beer party - 燒賣

上星期六bbq, 因為呢件盛事大夥兒駕車前往馬拉買左上圖違禁品回來(字母女星王國係無酒賣的), 實行"飲一鑊更快樂". 當晚 bbq 都好多野食, 較出色的有燒魔鬼魚同尤魚(唔知點解的尤魚好似同香港的唔同, 呢度好食好多). 到bbq完見仲有大量啤酒未飲晒(我地呢度d人飲酒個個成支成支咁去, 絕對唔似我香港某位王姓屬養金魚族的hall友), 就成個ice box運返酒店度繼續玩game. 玩開口中, 有成支上, 有vodka lime, 更有 vodka + beer, 總之一樂也, 但求清貨. 玩到咁上下, 有人酒後吐真言, 盡爆工作上的不滿, 有人飲到訓左落地, 有人唔理三七廿一三唔識七同人同床共寢的(兩個男的).

回想上一次痛飲已經係之前住 hall 的時候, 而某君的飲後痛嘔照至今仍在我家的 pc 內(可憐的桌子...). 之後, 有人借尿遁, 有人轉飲可樂, 有人依然養魚. 但, 總之, 此情不再.