Wednesday, July 12, 2006

唔係咩新鮮事 - 燒賣


雖然呢樹無乜人黎睇,但我都想借呢度個platform update一下自己近排的狀況:
1.我搬左屋(應該好多人都知)
2.我轉左工(應該無乜人知)


1.已經係半年前o既事,因為我懶的緣故,裝修買傢俬等等攪左好耐.其實宜家都未買晒傢俬同家電.我只係靠我部電腦同tv card過活,得閒就煮下飯食咁,粗茶淡飯好又一餐唔好又一餐(一人份真係好難買餸).因為搬左出黎住,令我發現$10shop同日本城都係好可愛o既地方,我試過响吉之佬$10shop行左個幾鐘.真係樂趣無窮.

2.係呢一兩個星期o既事,因為一來想轉下環境,我已經厭倦面對d pk客同其他department某d低能同事,二來係人工遠低於市場,工作量同收入唔係正比例增長,我開始支持唔到自己o既生活.雖然我已經盡量蛇王意圖補鑊,但都係無補於事.公司有挽留我呢d人才,但我去意已決,唔會望返轉頭.二公子見狀,响痛失人才o既悲痛之下,就將電盈賣左...而我就由九龍o既高尚住宅區搬左去港島o既高尚住宅區返工.因為要過海,我每日o既睡眠時被逼減少了...15分鐘

我唔知大家近排樣,不如都响樹update下啦!我所知o既係
1.懞周周好似又返工了?
2.carman轉工了
3.櫻木花道後半年有大事發生
4.羅楂斷背(我老作的,但我有理由懷疑)

2 comments:

Anonymous said...

火柴依然係柴灣區o既長期支持者, 每日由起身到訓覺再起身都係o個區.... 可惜仲未活動夠一年, 未有大假可以出區外逛逛.... 好鬼可憐囉!! 就夠啦... 忍...

幾時約出黎呀?? 大家又好似好耐冇見啦.... 好似都係+2大日子之後o既事lu...

Anonymous said...

你唔使再去食德國大肉腸啦咩?