有時候無聊會search吓一些自己以前喜歡的玩兒，今日就一時記起了這款登山遊戲。
坦白講，我一直都唔記得名字（圖片可見它的"橋口杉手")，只記得它實在好玩…
遊戲主要是講玩家組織一支登山隊去挑戰世界各大山峰，作為隊長要招幕隊員(為了增加投入感，我把隊員都改為朋友的名字)、又要精心部署所須物資和行程計劃。至於登山過程真的是千辛萬苦，又暴風又山崩，於是乎好多時我就眼白白見住oliver摔死、又或在失去聯絡後數天尋回andy的屍首…
最遺憾就是我從來都未100%登頂成功 :(！最接近的一次，是macro走到山頂後沒有插旗就走翻落嚟，試咗幾萬次都係咁… 這令我諗起大學時跟燒賣兄去日本旅行，為了渡宿兩人夜媽媽在東京尋找傳說中的通宵戲院，好不容易看見一棟商廈的樓上好似有，叫他上去問問詳情。足足十五分鐘後先佢落嚟，然後攤開雙手抱怨：「完全溝通唔到！」…
雖然未必會再玩到呢隻game，但下次去日本都好想找尋一下它的攻略，好解我心中多年的鬱結咧。
7 comments:
果次日本旅行,做左好多我估以後去日本都唔會再做O既事:通宵訓漫畫店,痞O向女厠門口並飽受白眼,由新宿行去築地參觀魚市場(已經無機會啦,日本宜家已經唔再比遊客入去參觀,話阻住做生意喎),仲有一定要講去泳池游水兼沖涼單野,仲仲仲有...過期軟殼蟹...留返比其他人講
由新宿行去築地魚市場…我個人真係懷疑無香港遊客咁樣試過！
仲有仲有，我想都沒有幾多後生仔會坐12:15分的飛機，但12點先到機場……還是回程啊！
(真係有5個叻！)
唔該out of jackass既人說話客氣d,重要一副叉腰神氣的樣子？…
邊鬼個係匿名先生?話熊貓人話得太有point了...
同埋要指出係...一切都係airline的錯...
有膽留言，又唔夠膽留名，不外乎那幾個「後生仔」(當年)，希望你地經一事長一智啦！
熊貓人本性率直，唔覺意「爆」了你們的陳年瘀野，請多多包涵……
其實實情應該係我地要坐2:35機,有"某人"話到機場車程只需45分鐘,實在就要成個幾鐘,咪遲!
重有人話如果航空公司唔安排,就上人公司攪事,最尾.....
當然仲有係電器街偷彩旗同海報....
Post a Comment